Мөнх Даатгал компанийн үйл ажиллагаатай танилцаж буй эрхэм таны энэ өдрийн амар амгаланг эрэн мэндчилье.
Манай компани 2004 онд байгуулагдсан цагаасаа эхлэн харилцагчдадаа мэргэжлийн ёс зүйтэй, даатгалын үйлчилгээг тогтмол үзүүлсээр ирсэн бөгөөд 2019 онд компанийнхаа стратегид өөрчлөлт оруулж, өдрөөс өдөрт өсөн дэвжиж буй Монголын даатгалын зах зээлд өөрийн гэсэн шинэ өнгө төрхийг бий болгон, байр сууриа өргөжүүлэн тэлж, Улаанбаатар хот болон 21 аймаг, 330 суманд салбар, төлөөлөгчийн газраа байгуулан Монгол улсын өнцөг булан бүрт даатгалын үйлчилгээг хүргэн ажиллаж байна.
Даатгалын салбар нь харилцагчдынхаа эрүүл мэнд, амь нас, эд хөрөнгө, хариуцлагыг хэрэгтэй цагт нь учирч болох санхүүгийн эрсдэлээс хамгаалдаг хариуцлагатай салбар тул бид харилцагчиддаа хамгийн чанартай, хэрэгцээ шаардлагад нь тохирсон даатгалын бүтээгдэхүүн үйлчилгээг тусгайлан гаргаж ажилладаг. Бид Улаанбаатар хотын завгүй амьдрал, стресснээс харилцагчдаа ангид байлгах үүднээс технологийн сайжруулалт хийж онлайн даатгал, онлайн нөхөн төлбөрийн үйлчилгээ, 24 цагийн шуурхай дуудлагын үйлчилгээг нэвтрүүлэн ажиллаж байна.
Бидэнд итгэл хүлээлгэн, эрсдэлгүй ирээдүйн төлөө хамтдаа урагшилж буй нийт даатгуулагч, харилцагч та бүхний ажил үйлс тань амжилт бүтээлээр дүүрэн байх болтугай.
“Мөнх даатгал” ХХК-ийн
Гүйцэтгэх захирал
М.Жалавдорж
