ЦЕГ-ын Тээврийн цагдаагийн албанаас зам тээврийн ослоос урьдчилан сэргийлэх, замын хөдөлгөөнд оролцохдоо бие биедээ хүндэтгэлтэй, хариуцлагатай, соёлтой оролцохыг уриалсан "НЭГ ЗАМ - НЭГ СОЁЛ" аяныг эхлүүллээ.

Орон нутгийн замд гарч буй зам тээврийн ослын гол шалтгаан нөхцөл нь:

- хурд хэтрүүлэх,

- гүйцэж түрүүлэх үйлдэл хориглосон нөхцөлд хийх,

- бүрэн бус тээврийн хэрэгсэлтэй хол замд гарах,

- жолоочийн нойр дутуу ядарсан зэрэг байдаг байна.

Тухайлбал Монгол улсад жилд дунджаар 600 гаруй хүн зам тээврийн ослоор нас бардаг ба үүний 60-70% нь зуны дэлгэр цагт хөдөө нутгаар аялж байх үед амь нас,эрүүл мэндээрээ хохирдог харамсалтай тоон мэдээ байдаг.

Тиймээс та орон нутагт зорчихдоо:

- Хурдаа тохируулж,

- Гэрлээ шилжүүлж,

- Дохиогоо өгч хэвшицгээе.

Хотын хөдөлгөөнд оролцохдоо: 

- Шаардлагагүй тохиолдолд сигнал дохиогоо багасгая,

- Замын хөдөлгөөнд оролцохдоо нэг нэгэндээ хүндэтгэлтэй хандъя.

Та бүхэн болзошгүй эрсдэлээс урьдчилан сэргийлж аялал, амралтаа ая тухтай өнгөрүүлээрэй!